حُب بلا حسابات ~

حُب بلا حسابات .!

مما كتبت .. في إحدى ليالي السنة الماضيّة .!

ما عاد القلب ينبض ذات النبضات ..

و لا عاد يخفق بجنون بعد ما ثقلته الأتعاب ..

لا عاد تحاول تتدفى برماد ..

دامك رفضت نيران الوفا ، و بعتها برخص التراب ..

بروحك رفضت قلبـ(ن) فداك بالأنفاس ..

تتسارع نبضاته لا من صرتوا أقراب ..

الله يرحم نفسـ(ن) تعنّت لآخر اللحظات ..

و ع فراش الوداع تشهق بعتاب ..

تعاتب القدر .. و الحظ .. و الأيام ..

تحاسب نفسها ولا تحسب لك غلطات ..

بالله وين ذمة هالنفوس إلى ما تستاهل إخلاص ..

إلى تمَشِّي مشاعر البشر على هواها و ما تهتم بالجراح ..

بس صحيح العتب يطيح على طيبة الأطياب ..

يشوفوا كل شخصـ(ن) بالدنيا ما يغلط إلا بإجبار أقدار ..

و بعد الخيانة يخلقوا لهم أعذار(ن) و أسباب ..

إنت نسيتني الطيبة و الرحمة و كيف أحبك بلا حسابات ..

فانسى إن بيوم كان في شخصـ(ن) حبّك بجنون و إخلاص ..

شخصـ(ن) مستعد يتبعك للكفن ، و يشريك بكل البشر و الناس ..

شخصـ(ن) يعصر أحزانه ليعيش أحزانك ، و يعَيِّشَك بإرتياح ..

اليوم .. دوّر عليه في الكفن أو تحت الثرى أو بين الناس ..

وأقسم لك بخالقك و خالقه ما راح تلقى له أثر ..

بعد ما ماتت مشاعره .. و مات فيه كل إحساس .!

Posted in: خواطر "بـ لُغة اليوم"